Sayt sinov rejimida işlamoqda: materiallar va tarjimalar hali töldirilmoqda.
Şrift:
Rang:
Mahsulotlar
Sayt xaritasi Kiriş
Gerb

Xonadonbay_tadqiqotlar

Xonadonbay_tadqiqotlar
Toshkent tumanida gilos ko‘chatchiligi: Yangi imkoniyatlar va yuqori daromad Tadqiqot maqsadi Toshkent tumani misolida in-vitro sharoitida ko‘paytirilgan gilosning “Krimskiy-5” payvandtagida “Skina”, “Lapins” va “Sariq gilos” navlariga mos keladigan standart ko‘chatlar yetishtirish, ko‘chatchilikni yo‘lga qo‘yish hamda xonadonlar daromadini oshirish loyiha asosiy maqsadidir. Tadqiqotning ilmiy yangiligi Tadqiqot doirasida “Krimskiy-5” payvandtagining Toshkent viloyati Toshkent tumani tipik bo‘z tuproqlariga moslashuvchanligi o‘rganiladi. Shuningdek, “Skina”, “Lapins” va “Sariq gilos” navlarini yozgi (kurtak) va bahorgi (iskana) payvandlash usullari uchun eng maqbul muddatlar aniqlanadi. Nav va payvandtag kombinatsiyasi ishlab chiqilib, uning samaradorligi baholanadi. Tadqiqotning amaliy natijalari Loyiha doirasida tomorqa xo‘jaliklarida standart gilos ko‘chatlarini yetishtirish texnologiyasi asosida yuqori daromad olish imkoniyati yaratiladi. Aholi tomorqalarida asosiy ekinga qo‘shimcha daromad manbai sifatida gilos bog‘lari tashkil etilib, daromad oshishi ta’minlanadi. Tomorqa xo‘jaligining 0,2 sotix maydonida 1100 dona gilos ko‘chati yetishtirilishi mumkin. “Krimskiy-5” payvandtagida yetishtirilgan 1 dona gilos ko‘chatining o‘rtacha bahosi 55,0 ming so‘mni tashkil etadi. Har bir xonadon mavsum davomida ko‘chat savdosi orqali 60,5 mln so‘m miqdorida daromad olishi mumkin. Milliy markazning rasmiy sahifalariga obuna bo'ling! WEB|Telegram| Instagram | Facebook |▶ Youtube

Manbani Telegramda oçiş

Xatoni ma’muriyatga yuboriş
Rahmat! Xabaringiz yuborildi.