Xalqaro_tajriba

Qishloq xo’jaligi sohasida Yaponiya tajribasi Yaponiya qishloq xo‘jalik sohasida cheklangan yer va tabiiy resurslarga qaramay, texnologiya va innovatsiyalardan samarali foydalangan holda katta yutuqlarga erishgan davlat hisoblanadi. Texnologiyaga asoslangan dehqonchilik. Yaponiyada qishloq xo‘jalik maydonlari cheklangan bo‘lsa-da, vertikal dehqonchilik, gidroponika va sun’iy yorug‘lik kabi ilg‘or texnologiyalar orqali mahsulot yetishtirish samaradorligi oshirilmoqda. Shaharlar ichida joylashgan vertikal fermalar bo‘sh joylarni optimal ishlatishga va shahar aholisi uchun yangi mahsulotlar yetkazib berishga imkon beradi. Mahsulotni boshqarish va genetik yaxshilash. Ushbu mamlakatdagi tadqiqot markazlari va fermerlar ekinlarning yangi, serhosil va kasllikka bardoshli navlarini yaratishga katta ahamiyat qaratmoqda. Masalan, sholining yangi navlari qurg‘oqchilikka va kasalliklarga bardoshli qilib yaratilgan. Bu yutuqlar fermerlarga barqaror hosil olish imkonini beradi. Oziq-ovqat xavfsizligi va sifatni nazorat qilish. Bu davlat oziq-ovqat xavfsizligi va sifati borasida jahon miqyosida tan olingan. Mamlakatda qishloq xo‘jaligi mahsulotlari ishlab chiqarishda qat’iy standartlarga rioya qilinadi va bu mahsulotlarga xalqaro bozorda yuqori darajada talab mavjud. An’anaviy va zamonaviy usullarning uyg‘unligi. Yaponiyalik fermerlar ko‘pincha an’anaviy qishloq xo‘jalik usullarini zamonaviy texnologiyalar bilan birlashtiradi. Masalan, organik dehqonchilikka asoslangan tizimlar yuqori texnologiyali avtomatlashtirilgan usullar bilan uyg‘unlashib, ekologik barqaror qishloq xo‘jaligi uslubining shakllanishiga olib kelmoqda. Kooperatsiya va qishloq xo‘jalik uyushmalari. Yaponiyada fermerlar kooperativlar va uyushmalarda birlashib, birgalikda mahsulot ishlab chiqarish va bozorga yetkazib berishda faol ishtirok etishadi. Bu fermerlar uchun iqtisodiy jihatdan foydali tizim bo‘lib, mahsulot narxini barqaror ushlab turishga va savdo hajmini oshirishga yordam beradi. Bizning ijtimoiy tarmoqdagi sahifalarimiz! WEBTelegram Instagram | Facebook |Youtube