



“Қўшработ Агро Стар” МЧЖ билан ҳамкорликда академик М. Мирзаев номидаги Боғдорчилик, узумчилик ва виночилик илмий-тадқиқот институтининг Самарқанд ҳамда Чархин илмий-тажриба стансияларида Туркиянинг узум етиштирувчи ва экспорт қилувчи компаниялари вакиллари билан учрашув ташкил қилинди.
Мазкур тадбир давомида туркиялик мутахассислар ва институт олимлари ўртасида узум етиштириш, қуритиш ва экспорт қилиш бўйича тажриба алмашилди. Шунингдек, келгусида Ўзбекистонда майизбоп узум навларини етиштириш ҳамда экспорт салоҳиятини ошириш юзасидан муҳим ҳамкорлик йўналишлари белгилаб олинди.
