Taʼziya
O‘zbekiston Respublikasida xizmat ko‘rsatgan fan arbobi, Xalqaro agrar ta’lim akademiyasi akademigi, Toshkent davlat agrar universiteti professori, Zuyev Vladimir Ilyich 95 yoshida vafot etdi.
Vladimir Zuyev 1930-yil 27-iyulda tug‘ilgan. U butun umrini ilm-fan, ta’lim va qishloq xo‘jaligi sohasining rivojiga bag‘ishlagan yirik olim edi.
U o‘zining fidokorona mehnati, chuqur bilim va ilmiy yondashuvi bilan agrar ta’lim tizimi hamda ilmiy izlanishlar maktabining shakllanishiga beqiyos hissa qo‘shgan. Uning sabzavotchilik va kartoshkachilik sohasidagi ilmiy tadqiqotlari bilan nafaqat mamlakatimizda, balki xorijda ham tan olingan.
Qishloq xo‘jaligi vazirligi jamoasi Vladimir Ilyich Zuyevning vafoti munosabati bilan uning oila a’zolari va yaqinlariga chuqur hamdardlik bildiradi.
Website Telegram Facebook YouTube Instagram
