"Маҳалла ободлиги — юрт фаровонлиги"

Вазирлар Маҳкамасининг 26-апрелдаги тегишли фармойиши асосида 30-апрел куни Республикада умумхалқ хайрия ҳашари ўтказалиши эълон қилинди.
Фармойишнинг ижросини таъминлаш ҳамда соғлом турмуш тарзини тарғиб қилиш, аҳолининг ижтимоий ҳимояга муҳтож қатламларини қўллаб-қувватлаш мақсадида Пахта селексияси, уруғчилиги ва етиштириш агротехнологиялари илмий-тадқиқот институти ҳодимлари ҳашарда фаол иштирок этишмоқда.
Эслатиб ўтамиз, Ўзбекистонда бундан аввалги умумхалқ хайрия ҳашари 2021-йил 21-август куни ўтказилганди. Ушбу хайрия тадбирлари орқали 3 миллиард 193 миллион сўмдан ортиқ, шундан 189 миллион сўмдан ортиқ маблағ “Маҳалла” фонди ҳисобидан аҳолининг ижтимоий ҳимояга муҳтож қатламларига беминнат мурувват ёрдамлари кўрсатишга сарфланган эди.