Сайт синов режимида ишламоқда: материаллар ва таржималар ҳали тўлдирилмоқда.
Шрифт:
Ранг:
Маҳсулотлар
Сайт харитаси Кириш
Gerb

Коррупсияга қарши курашиш тизими янада кучайтирилади

Коррупсияга қарши курашиш тизими янада кучайтирилади
Ўзбекистон Республикаси Президенти Ш. М. Мирзиёев томонидан 2026-йил 22-июнда “Ўзбекистон Республикасининг айрим қонун ҳужжатларига коррупсияга қарши курашиш самарадорлигини оширишга қаратилган қўшимча ва ўзгартиришлар киритиш тўғрисида”ги ЎРҚ-1155 Қонуни имзоланди. Мазкур Қонун билан 3 та кодекс ва 5 та қонунга ўзгартириш ҳамда қўшимчалар киритилди. Унга кўра: Коррупсияга оид жиноятларни содир этган шахсларнинг электрон реестри юритилади; Жиноят кодексида “коррупсияга оид жиноятлар” тушунчаси белгиланди ва унга 18 турдаги жиноят киритилди; Давлат органларида комплаенс ва ички коррупсияга қарши назорат тизимларининг ҳуқуқий асослари яратилди; Коррупсияга қарши курашишда маиший даражадан тортиб юқори лавозимли шахсларгача қамраб олувчи амалий механизмлар жорий этилди; Комплаенс тузилмалар ходимларининг ҳуқуқий ва хавфсизлик кафолатлари мустаҳкамланди; Барча давлат органларида комплаенс назорати тизими йўлга қўйилади; Ушбу тизим фаолияти Президент Администрациясининг Комплаенс хизмати томонидан мувофиқлаштирилади; Айрим коррупсион жиноятлар учун муддатидан илгари шартли озод қилиш ёки енгилроқ жазо билан алмаштириш чекланади; Коррупсияга қарши курашиш агентлигига хавф-хатарлар харитасини шакллантириш вазифаси юклатилди; Миллий ва ҳудудий кенгашлар ҳамда Агентлик ваколатлари кенгайтирилди. Янги тартибга кўра, коррупсияга қарши курашиш эндиликда ягона тизим асосида марказлашган ва самарали механизм сифатида амалга оширилади. Wебсите Телеграм Факебоок ЁуТубе Инстаграм

Манбани Telegramда очиш

Хатони маъмуриятга юбориш
Раҳмат! Хабарингиз юборилди.