Картошка этиштиришда Корея тажрибаси

Қишлоқ хўжалиги вазирлиги ташаббуси билан Тошкент давлат аграр университетида “Ўзбекистонда картошкачилик соҳасининг истиқболлари. Корея Республикаси тажрибаси асосида йил давомида картошка етиштириш технологияси” мавзусида семинар-тренинг бўлиб ўтди.
Видео-конференс-алоқа шаклидаги тадбирни кириш сўзи билан очиб берган Қишлоқ хўжалиги вазирлиги департамент бошлиғи ўринбосари Жамшид Абдузуҳуров озиқ-овқат хавфсизлигини таъминлашда картошкачиликни ривожлантиришнинг аҳамияти хусусида сўз юритди.
Картошка етиштирувчилар ва қишлоқ хўжалигига ихтисослашган олий ўқув юртлари талабалари учун ташкил этилган семинар-тренингда Сабзавот, полиз экинлари ва картошкачилик илмий-тадқиқот институти директори, профессор Рустам Низомов, Халқаро ўсимликшунослик институти президенти, профессор Лее Ёнг Беом, “ГС-Био” МЧЖ хорижий корхонаси директори Ким Ми Геоунглар мавзу юзасидан ўз маърузалари билан иштирок этишди.