Janubiy dehqonchilik ilmiy-tadqiqot institutida xalqaro ilmiy-texnik anjuman bo'lib o'tdi

Anjuman mavzusi “Qishloq xo‘jaligi ekinlarining genetik resurslaridan unumli foydalanish hamda yetishtirishda zamonaviy ilg‘or texnologiyalarni qo‘llash istiqbollari” bo'lib, unda Qozog‘iston Respublikasi agrar soha xodimlari, Lalmikor Dehqonchilik ITI yosh olimlari, IKARDA, SAMMIT va Turkiya davlatining Koniya Dehqonchilik ITI olimlari, talaba yoshlar ishtirok etishdi. Tadbirni JDITI direktori O. Amanov kirish so‘zi bilan ochib berdi va seminar qatnashchilariga institut faoliyatida so‘nggi yillarda olib borilayotgan ilmiy tadqiqotlar hamda yangi loyihalar to‘g‘risida maʼlumotlar berdi. Shundan so‘ng, Zoom orqali so‘zga chiqqan qishloq xo‘jaligi vaziri o‘rinbosari, Qishloq xo‘jaligida bilim va innovatsiyalar milliy markazi direktori A. To‘rayev sohani rivojlantirishda ilm-fanda erishilgan yutuqlar va ularning istiqbollari, bunda ITI ning o‘rni haqida o‘z fikrlarini bildirdi.