Қурғоқчил минтақаларда қишлоқ хўжалиги тадқиқотлари бўйича Халқаро марказ (ИКАРДА)нинг Мароккодаги вакили Д.П. Кришна Қишлоқ хўжалигида билим ва инновациялар миллий маркази тизимига кирувчи Лалмикор деҳқончилик илмий-тадқиқот институтига ташриф буюрди.
Ташриф давомида у институтда олиб борилаётган дала тажрибалари билан яқиндан танишди. Шундан сўнг, соҳа олимлари билан бошоқли, дуккакли дон, мойли ҳамда ем-хашак экинларининг иссиқликка ва қурғоқчиликка чидамли навларини яратиш, уларни тўғри жойлаштириш ва юқори ҳосил етиштириш масалалари юзасидан фикр алмашилди.
Шунингдек, Д.П. Кришна ўзининг билим ва амалий тажрибаси асосида институт илмий ходимлару ва докторантлари учун семинар-тренинглар ҳам ўтказмоқда.



