Ayni vaqtda Misr davlatida bo'lib turgan O'zbekiston olimlaridan iborat delegatsiya, ushbu mamlakatning paxtachilik sohasida erishayotgan ilmiy yutuqlari bilan yaqindan tanishdilar.

Milliy markaz bosh direktori Alisher To'rayev, Paxta seleksiyasi, urug'chiligi va yetishtirish agrotexnologiyalari ilmiy-tadqiqot instituti direktori A.Ravshanov hamda Ingichka tolali paxtachilik ilmiy-tadqiqot instituti direktori N.Ochildiyev lar Misr paxtachilik ilmiy-tadqiqot instituti olimlari bilan uzoq yilga mo'ljallangan hamkorlik aloqalarini yo'lga qo'yish, o'zaro hamkorlikda iqlim sharoitimizga mos yangi navlarni yaratish borasida fikr almashdi. Eslatib o'tamiz mazkur delegatsiya a'zolarining Misrga tashrifi O'zbekiston Respublikasi Prezidenti Shavkat Mirziyoyevning 20-21 fevral kunlari Misr davlatiga qilgan rasmiy tashrifida erishilgan hamkorlik aloqalarining uzviy davomidir. Bizni ijtimoiy tarmoqlarda kuzatib boring: Web-sayt | Telegram | Facebook | Instagram | YouTube