Сайт синов режимида ишламоқда: материаллар ва таржималар ҳали тўлдирилмоқда.
Шрифт:
Ранг:
Маҳсулотлар
Сайт харитаси Кириш
Gerb

АГРО_ТАВСИЯ

АГРО_ТАВСИЯ
КАШНИЧ ВА ПЕТРУШКАНИ ТЎҚСОНБОСТИ УСУЛДА ЕТИШТИРИШ Республика ҳудудларнинг тупроқ-иқлим шароитини инобатга олган ҳолда кашнични тўқсонбости усулида: жанубий вилоятларда 1-30 декабрда, марказий вилоятларда 15-ноябр – 15-декабр, шимолий вилоятларда 1-30 ноябр кунлари экишни тавсия қилинади. "Орзу" ва "Янтар" сингари совуққа чидамли навлари экиш учун тавсия этилади. Пол қилиб сепилганда гектарига 8-10 кг уруғ сарфланади. Уруғ экилгандан сўнг, устидан чириган гўнг сепилади. Уруғи униб чиқиши учун 5-6°, кўкариб ҳосил яратиши учун эса 15-16° ҳарорат керак. Кашнич ўсув бошида секин ўсади, кейин тез ривожланади. Тўқсонбости усулда экилган кашничнинг ўсув даври бўлиб, ҳосил етилиш даври агарда плёнка билан қопланган бўлса – март ойида ёки очиқ майдонда етиштирилган бўлса – апрел ойига тўғри келади. Асосий парвариши 1-2 марта ўташ, қалин жойларини бир оз яганалаш ва вақтида суғоришдан иборат. Яхши парваришланганда гектаридан 12-15 тоннагача ҳосил олиш мумкин. Петрушканинг "Нилуфар", "Сахарная" ва "Новас" навлари совуққа чидамли икки йиллик ўсимлик ҳисобланади. Унинг уруғини ўсиши учун 5-6°, кўкариб ҳосил яратиши учун 15-16° ҳарорат керак. Петрушка ҳам ўсув бошида секин ўсади, кейин тез ривожланади. Тўқсонбости усулда экилган петрушканнинг ўсув даври 55-60 кун бўлиб, ҳосил етилиш даври агарда плёнка билан қопланган бўлса – март ойида ёки очиқ майдонда етиштирилган бўлса – апрел ойига тўғри келади. Республика ҳудудларнинг тупроқ-иқлим шароитини инобатга олган ҳолда петрушкани тўқсонбости усулида: жанубий вилоятларда 1-30 декабрда, марказий вилоятларда 15-ноябр – 15-декабр, шимолий вилоятларда 1-ноябр– 1-декабр кунлари оралиғида экиш тавсия қилинади. Пол қилиб сепилганда гектарига 3-4 кг уруғ сарфланади. Уруғ экилгандан сўнг, устидан чириган гўнг сепилади. Асосий парвариши 1-2 марта ўташ, қалин жойларини бир оз яганалаш ва вақтида суғоришдан иборат. Яхши парваришланганда гектаридан 10-12 тоннагача ҳосил олиш мумкин. Бизнинг ижтимоий тармоқдаги саҳифаларимиз! WЕБ| Телеграм| Инстаграм | Факебоок |Ёутубе

Манбани Telegramда очиш

Хатони маъмуриятга юбориш
Раҳмат! Хабарингиз юборилди.