АГРО_ТАВСИЯ

ИССИҚХОНАДА ЎСИМЛИКЛАРНИ КАСАЛЛИКЛАРДАН ҚАНДАЙ ҲИМОЯ ҚИЛИШ МУМКИН?
Иссиқхонада юқори ҳарорат ва намлик турли касалликлар тарқалиши учун қулай муҳит яратади. Агар профилактика чоралари кўрилмаса, ҳосилга жиддий зарар етиши мумкин.
Ўсимликларни соғлом сақлаш учун қуйидаги қоидаларга амал қилинг
Иссиқхонани мунтазам шамоллатинг. Яхши ҳаво айланиши ортиқча намликни камайтиради ва замбуруғли касалликлар хавфини пасайтиради.
Ортиқча суғоришдан сақланинг. Ҳаддан ташқари намлик илдиз чириши ва турли касалликларга сабаб бўлади. Томчилатиб суғориш энг самарали усуллардан бири ҳисобланади
Касалланган барг ва шохларни олиб ташланг. Зарарланган қисмларни ўз вақтида тозалаш касаллик тарқалишининг олдини олади.
Тозаликка риоя қилинг. Асбоб-ускуналарни дезинфексия қилинг, иссиқхона ичида қолдиқларни тўпламанг.
Биологик воситалардан фойдаланинг. Фойдали микроорганизмлар ва биопрепаратлар ўсимликларни ҳимоя қилишга ёрдам беради ва кимёвий воситаларга эҳтиёжни камайтиради.
Ўсимликларни мунтазам кузатиб боринг. Баргларда доғлар, сарғайиш ёки ҳашаротлар пайдо бўлса, дарҳол чора кўринг.
Миллий марказнинг расмий саҳифаларини кузатиб боринг.
WЕБ | Телеграм | Инстаграм | Факебоок | Ёутубе