19-noyabr – Hujjatli meros xalqaro kuni sifatida belgilash taklif etildi

Prezident Sh.Mirziyoyev YUNESKOning “Jahon xotirasi” dasturi doirasida Xalqaro raqamli meros institutini tashkil etish tashabbusini ilgari surdi. Bunday noyob meros obyektlari bo‘lgan xalq og‘zaki ijodiyoti, qo‘lyozmalar, arxivlar va qimmatli tarixiy hujjatlar, madaniy ma’lumotlarni saqlash, ularning barcha uchun ochiqligini ta’minlash maqsadida yaratilgan YUNESKOning “Jahon xotirasi” dasturini rivojlantirishdan manfaatdormiz, dedi davlatimiz rahbari. Ushbu institut arxivlar, qo‘lyozmalar va nodir kolleksiyalarni raqamlashtirish bilan shug‘ullanadi. Shu bilan birga, O‘zbekiston yetakchisi qadimiy Buxoro hunarmandchilik bo‘yicha YUNESKO Ijodkor shaharlar tarmog‘ining a’zosi ekanligini ta’kidlab, ushbu shaharda 2027 yili mazkur yo‘nalishda xalqaro kongressni qabul qilishga tayyorligini bildirdi. Website Telegram Facebook YouTube Instagram